అశ్లీలం
ఈ మధ్య మన బాల సుబ్బు తన 'పాడుతా తీయగా' నో, ఇప్పుడొస్తున్న యేదో ప్రోగ్రాములోనో, తన ప్రక్కనున్న న్యాయ నిర్ణేతతో, ఓ పాట గురించి ప్రస్థావన చేస్తూ, 'సెన్సారువారి చెవులుగప్పి, బ్రతికి బట్టకట్టింది' అనో, ఇలాంటి అర్థం వచ్చే మాటలో యేవో అన్నాడు.
బ్యాక్ గ్రవుండులో బొంబాయి చిత్రం లోని "ఆ అరబిక్కడలందం....నీలోనే చూశానే.....పట్టూ రవికల (లో) విదియా తదియా వైనం చూశానే" అనే పాట వినిపించింది!
అంటే, మన బాల సుబ్బు ఆ మాటల్ని 'అశ్లీలం'గా భావించినట్టే కదా?
పట్టు రవికలో, విదియ చంద్రుణ్ణీ, తదియ చంద్రున్నీ (కాకుండా వాళ్ళ వైనాన్ని మాత్రమే) చూశానే--అంటే, అది అశ్లీలం యెలా అయ్యింది?
నిజంగా ఇది యెంత చక్కని కవిత్వ భావన!
మరి ఇదే అశ్లీలమనుకొంటే, 'కమలాకుచ చూచుక కుంకుమతో' అన్న సుప్రభాత స్థుతి ని యేమనాలి?
అన్నమయ్య వ్రాసిన, మనం పాడుకొంటున్న, 'అయ్యో చమరించె....ప్రాయంపు గుబ్బలమీద' ని యెవరు సెన్సారు చేస్తారు?
ఇలాంటి వాళ్ళని వర్ణించడానికీ, వాళ్ళ మానసిక ప్రవృత్తిని వర్ణించడానికీ శతాబ్దల క్రితమే ఇంగ్లీషులో మాటలు వున్నాయి--'ప్రూడ్', 'ప్రూడరీ' అని.
డియర్ బాల సుబ్బూ--నువ్వెందుకు 'ప్రూడ్' అనిపించుకోవాలి?
