ఖర్చులు

లెఖ్ఖలు

ఓ షావుకారు వుండేవాడు. ఆయనకో చిన్నిల్లు. అక్కడకి వెళ్ళినప్పుడల్లా ఓ మిఠాయి పొట్లమో, పువ్వుల దండో, అత్తరు సీసానో ఇంకా వేటి కోసమో యేవో చిల్లర ఖర్చులు చెయ్యవలసి వచ్చేది. అవన్నీ తన సాదరు ఖర్చుల్లో వ్రాయమని చెప్పేవాడు తన గుమాస్తాకి.

ఓ సారి, ఈ లాంటి చిల్లర ఖర్చు సంవత్సరానికి యెంతవుతోందో తెలుసుకోవాలని ఆలోచన వచ్చింది ఆయనకి. 

అప్పటి నించీ, గుమాస్తాని "అందు నిమిత్తం ఖర్చు" అని ఓ ఖాతా తెరిచి, అందులో ఆ ఖర్చుల్ని వ్రాయమని ఆదేశించాడు.

నెలాఖరున ఆ ఖాతా పరిశీలిస్తుంటే, అన్నీ పదీ, పరకా ఖర్చులే వ్రాయబడ్డా, చివరలో యేకం గా వెయ్యి రూపాయల ఖర్చు చూసి, గుమాస్తాని "ఇదేమిటీ? ఇంత ఖర్చు ఈ ఖాతాలో నేనెప్పుడు పెట్టానూ?" అని గద్దించాడట.

"అదీ...మ్యా...మ్యా...మ్యా...అదీ...నా...నా...నా--'అందు నిమిత్తం' ఖర్చండీ...పూర్తి నెలకి ఒకే సారి తీసుకున్నా..." అని నీళ్ళు నమిలాడట, తనుకూడా ఓ చిన్నిల్లు పోషిస్తున్న గుమాస్తా.

సందేహం

నివృత్తి

నా ఇంకో కెండె (ఆయన పేరు 'కొండబాబు'--మా యిద్దరికీ, జీవితాంతం ఒకళ్ళనొకళ్ళు 'మన్నించుకొంటూనే' వుండాలనీ, ఒరే అనో, వాడూ, వీడూ అనో అనుకోకూడదని ఓ వొప్పందం వుంది!) "బొమ్మా? బొరుసా?" (బాలచందర్) చిత్రం చూశాక, ఓ పాట గురించి తరచూ ప్రస్తావించేవాడు--మహదానందపడిపోతూ, లేస్తూ!

చంద్రమోహన్ కీ, 'వెన్నీర్ ఆడై' నిర్మలకీ ఓ పాటుంది--"చేల్లే పోవోయ్ వగలాడీ"--అంటూ!

అందులో, చంద్రమోహన్ కి కోపం తారాస్థాయికి చేరుకోగానే, "నువ్వసలు ఆడదానివా?" అని క్రొశ్నిస్తాడు. దానికి ఆమె, తన '..........ని యెగరేసి దులిపి'  "అర్రె!" అని, కొంచెం గేప్ ఇచ్చి, "చాల్లే పోవోయ్......" అని పాడుతుంది.

మా కొండ ముసిముసిగా నవ్వుకుంటూ, "భలే సందేహ నివృత్తి చేసింది కదండీ వాడికి?" అని చెప్పి చెప్పి మరీ నవ్వేవాడు!

యెలా వుంది?